Aldymen elimizdiń Ánurany oryndalǵan saıys-sabaq qazaqtyń uly aqyn, jazýshylarynyń qazaq tili týraly jazylǵan qanatty sózderiniń maǵynasyn ashýdan bastaldy. Saıysty júrgizýshi maman
Elbasy Nursultan Ábishuly Nazarbaevtyń «Qazaqstannyń búgini men bolashaǵy – halqymyzdyń yntymaq-birliginde, yrys-qutty tirliginde» degen sózin keltire otyryp, Qazaqstannyń álemdik arnadan alatyn orny, táýelsizdik alǵan kezeńnen bergi jetistikteri, Qazaqstan halyqtary Assambleıasy týraly aıtyp berdi. Elimizde ótken mańǵyzdy oqıǵalar: Astana Sammıti men búkilálemdik mańyzdaǵy EKSPO-2017 halyqaralyq kórmesiniń ótý mańyzynyń Qazaqstannyń halyqaralyq arenadaǵy rolin, sonymen qatar Egemendiktiń arqasynda qolymyz jetken Ánuranymyz, Týymyz ben Eltańbamyz, qazaq tilimiz, tól teńgemiz – maqtanyshymyz ekendigin atap kórsetti saıysty uıymdasytrýshy maman.
Birinshi kezeńde tártip saqshylary qazaq tili, Otan, Týǵan jer, el táýelsizdigi taqyrybyna óleń oqýdan saıysqa tústi. Joǵary oqý sheberlikteri joǵary baǵalanyp, mánerlep oqýdan IID Tehnıkalyq qyzmet basqarmasynyń qyzmetkeri Murzaǵalıeva Dına men Jyldam qımyldaıtyn arnaıy jasaqtyń ınspektory Azızaev Tórenııaz alda boldy. Ekinshi kezeń «Táýelsizdik shejiresi» dep ataldy. Qatysýshylar «Táýelsizdik», «Astana», «Rámizder» atty taqyrypta óz bilimderin synady. «Astana» taqyryby boıynsha Elordamyzda ótken mańyzdy sharalar tóńireginde oı qozǵasa, «Táýelsizdikke» sóz kezegi kelgende, elimizdiń jetken jetistikteri tarıhı qundylyqtary týraly áńgimeledi. Polısııa qyzmetkerlerine Jeltoqsan oqıǵasynyń ótken merzimi, oǵan qatysqan er júrek qyzdarymyz ben uldarymyzdyń ómiri týraly suraqtar qoıyldy. Saıysqa qatysýshylardyń biri Jeltoqsan qurbany «Halyq qaharmany» Qaırat Rysqulbekovtiń óleńin úlken ásermen oqyp berdi. О́leńdi tyńdap turyp, árbir qyz ben jigit Qaırattyń sol kezdegi júrek tebirenisin sezingendeı boldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
